Questo post é stato letto 11380 volte!
Agosto si chiude e con esso si spegne il respiro festoso dell’estate. È in questo clima sospeso che Rocco Criseo ci consegna la sua poesia “A Finescia”, un testo che diventa specchio fedele delle contraddizioni calabresi: una terra meravigliosa e crudele, capace di incantare con i suoi paesaggi e allo stesso tempo di ferire con le sue assenze.
Agosto se ne va e ritorna imperioso quel sentimento di profonda solitudine misto ad amore e rabbia per questa terra nostra così bella e crudele:
A FINESCIA
Mi ffacciu da finescia i bon matinu,
e tuttu quantu mi parra d’amuri,
nc’esti nu celu zzurru cristallinu,
nu suli chi mi bampa di caluri.
Nu fund’i mari chi mi fa ncantari,
na terra chi mi jinchi di sapuri,
virdi collini e sicca di hjumari,
pari na tila di nu gran pitturi.
Di fronti a tuttu stu beḍḍu vidiri,
u me penseru curri e va luntanu,
e figghji mei chi nd’epper’e partiri
e sunn’a mmenz’o friddu di Milanu.
D’un trattu eu non sentu cchjú caluri,
stu suli non mi sapi caddijari,
oh com’è lentu lu passar’i ll’uri,
chi mi ndi fazzu di stu celu e mari.
Chi mi ndi fazzu di stu ben’i Ddiu,
di sti bellizzi chi mi fannu mali,
s’a li promessi toi eu cchjú non criju,
chi guard’a ffari fora du facciali.
Oh terra bbandunata du Signuri,
dammi la forza mi ti pozz’amari,
scaccia du cori meu tutt’i pauri,
danc’e to figghji pani pe campari.
U tempu passa e puru la speranza,
na rondineḍḍa vola nto barcuni,
ormai eu sugnu chiusu nta na stanza,
di la finescia non mi ffacciu cchjúni.
Rocco Criseo
Questo post é stato letto 11380 volte!
