Questo post é stato letto 10410 volte!
Viviamo tempi difficili dove la pace tra i popoli è sempre più a rischio. Riflettiamo in questa giornata sulla storia del passato:
SIMBULU DI PACI
di Rocco Criseo
U quattru di Novembri
è u jornu da Vittoria,
è simbulu di paci
pe ccu canusci a storia.
È u jornu du ritornu
di li sordat’in guerra,
si mbrazzan’i parenti
e bascianu la terra.
Dda’ terra chi dassaru
chiamati a lu doviri,
cu na speranza o cori,
ma ponnu rividiri.
Partiru salutandu
nu malidittu jornu
ma tanti giuveneddi
non ficiru ritornu.
Sti’ guerri disgraziati
chi non servin’a nenti,
sulu lutt’e rovini
e straggi di nucenti.
Ancor’e tempi d’oji
stu’ mund’è chin’i lutti,
i casi bumbardati,
nteri città distrutti.
La siti di potiri,
deliriu di potenti,
cagiuni è da morti
di cu non cunta nenti.
Stu’ quattru di Novembri
nta la memoria staci,
finiu lu cumbattiri
e trionfau la paci.
Dda’ paci chi ndi jinchi
lu cori di speranza,
non mi nci su’ cchju’ guerri,
mi vinci a fratellanza.
A storia oji ndi cunta
stu’ jornu da Vittoria.
A paci nta lu mundu
è chist’a vera Gloria!
Rocco Criseo
Questo post é stato letto 10410 volte!
