Questo post é stato letto 2170 volte!
Chi burdèllu, ‘ndo paìsi!
‘A genti parra, faci e dici.
Tutti parenti, cumpàri e amici,
ma dura sulu pi ‘stu misi!
‘A muntagna e ‘a marina,
cu’ poti, ti ‘mbicìna.
Mi purtài all’elezioni!
Oh cumpàri, ‘a disposizioni!
V’u prumèttu solennementi:
comu ‘nchianu, ‘rriva l’acqua!
Bella frisca, d’a sorgenti.
Ma poi si cunfùndunu cu l’acca…
Nenti fossi ammenzu ‘i schrati,
né mundìzza ‘ndo paìsi,
cugghìmu puru ‘i schraci.
M’a viu jeu, si mi vutàti!
Si st’amicu favorìti,
non vi nd’ât’a ‘ncarricàri:
tuttu chiddhu chi vulìti,
‘u putìmu sistemari.
Quantu tempu, me’ cumpàri,
comu mai mi vinìsti ‘a truvàri?
Elezioni comunali,
non liggìstuvu ‘i giornali?
Si vi pozzu disturbari,
‘nu favùri v’haiu ‘a cercàri.
‘Nta scheda elettorali,
‘u me’ nomu ât’a signàri!
Oh cumpàri, già ‘u sapìti,
non c’è bisognu m’u dicìti:
cu ‘sta scusa d’u sangiuvanni,
mi futtìti tutti l’anni!
Elezioni comunali.
Mi nd’avìssiru ‘a sciorbàri,
si non votu a me’ cumpàri!
di Natino Tripodi
- Scatalijandu: ripercorrendo le poesie in vernacolo di Paolo Landrelli
- Facci e frunti di Vincenzo Cordì. Poesia dialettale calabrese
- L’arburegliu di Giuseppe Cavallaro. Poesia dialettale calabrese
- Patri meu di Franesco Reitano. Poesia dialettale calabrese
- ‘U salatu di Armando Panetta. Poesia dialettale calabrese
- A funtana du pajisi di Michele Germanò. Poesia dialettale calabrese
- A gnuranza di Domenico Favasuli. Poeti dialettali calabresi
- Scjùri rraru di Natale Cutrupi. Poesia dialettale calabrese
Questo post é stato letto 2170 volte!