Questo post é stato letto 4750 volte!
L’unicu ricordu, chi nd’aju ‘i tia,
esti ‘u to’ visu ‘nta ‘nu ritrattu.
‘Nu visu bellu, cu lineamenti dilicati
e ddu’ occhj sinceri, com’o mari,
‘lluminatu d’u sulj d’a stati.
Nonnu Vicenzu, sacciu ca lavurasti
tantu, com’a ll’omani e puru ‘i fimmani
‘i ‘na vota, ‘nta ‘nu mundu fattu
‘i miserija e povertàti.
Lavuravi, siminavi ‘u ranu, curtivavi
‘a vigna, cogghjevi ‘i vvrivi, facevi l’ortu;
Lavuravi, ma ottenevi pocu o nenti
‘i sta terra margia e cociuta d’u sulj.
Non eri patruni ‘i nenti, mancu d’a to’
stessa vita, pacchì non fusti vecchju
‘nta sta terra.
Nonnu, nd’avia volutu ‘i ti viju,
‘i ti sentu parlari, nd’avia volutu
‘i mi ‘nnachi ‘nt’e to’ vvrazza.
Tratto dall’antologia “Vuci Senza Tempu”,
Unione Poeti Dialettali Calabresi
Questo post é stato letto 4750 volte!
