Questo post é stato letto 33150 volte!
A cura di Bruno Salvatore Lucisano
Li cummari ssettati a li scalini
tàgghjnu, cùsinu e fannu trini;
merletti cu’ la spola e l’uncinettu
llàzzanu e ntrizzanu cu’ gran dilettu.
Guàrdanu sutt’occhju cu’ passa e spassa
e cu’ malizia sbrogghjanu a matassa
e dopu chi finìscinu i fileri,
càntanu sutta vuci u Misereri
Da figghja i don Ciccillu Calaberri
si fìcir’a maglietta cu’ li ferri,
ricamata cu rosi e mazzi i hjuri
senza m’hannu virgogna e no’ russuri.
A lu pòvaru niputi ‘i donna Betta
si cusiru cravatta e camicetta,
trapuntati cu’ filu da Slovacca,
oh! morbu mi li pigghja e mi li spacca!
Ndannu forbici, forbicetti e spilli
e tagghjatini fannu a milli a milli,
cùsunu e scùsunu di primu jornu,
ntrìzzanu e fannu gruppa senza scornu.
Non nc’è figghja ‘i mamma e giovanottu
chi non hèppiru gilè cu cappottu,
li fìciru precisi e cu misura,
lavurati cu gustu e cu bravura.
O’ stessu postu da matin’a sira
lu lavuru a’ stessa manera gira:
cu’ cusi, cu’ scusi e cu’ tira a lampu,
pa’ nugliu cristianu c’è pietà e scampu.
Si vi pigghjassivu nu paternostri
e vi facissivu li cazzi vostri,
non ciangivanu no’ mammi e no’ figghj,
lamp’i vi sbampa, rovina famigghj!
Giuseppe Trimarchi nasce a Bruzzano Zeffirio il 19/12/1945.
Dopo aver peregrinato per l’Italia, sempre per motivi di lavoro, nel 1987 si trasferisce a Monfalcone, dove tuttora vive. E’ pensionato, dopo aver insegnato per 20 anni ed essere alle dipendenze del Ministero delle Finanze per altri 20. Negli ultimi 15 anni di lavoro ricopre la carica di Direttore della Commissione Tributaria Provinciale.
Ha vinto un primo premio di poesia satirica a Nocera Terinese, anche se disdegna di partecipare a concorsi poetici.
Probabilmente, in un prossimo futuro, si deciderà a mettere un po’ d’ordine nelle sue idee e a pubblicare finalmente una raccolta di poesie in vernacolo, prima e in italiano, dopo.
Questo post é stato letto 33150 volte!
