Questo post é stato letto 19380 volte!
di Bruno Salvatore Lucisano
Nta la vinejja di lu maru frati
Na lucertula o suli si rriposa
Supr’o muru di petri diroccati
Prima si sposta poi ripijja posa.
Certi jornati quand’è malutempu
Rresta mmucciata fitta nta jjù bbusciu
Canusci l’alluvioni u bonu tempu
Intra, jjù intra vai, si senti scrusciu.
E’ comu i cumandanti du cumuni
Chi quandu a chiazza nc’esti grandi festa
Mi si mmustrunu o populu muntuni
Felici e cuntenti nnacunu a testa.
E mbeci, quandu mandunu bulletti,
E quandu tutt’u mari e chin’i fogna
Vannu cercandu buca e gabinetti
Mi mmucciunu jjà testa pa virgogna.
Quandu passa danovu a bburraschiata
U sindicu rripijja u marciappedi
Cu chijja facci dura, mbarzamata,
Ssumijja a Erculinu Semprimpedi.
Questo post é stato letto 19380 volte!
