M’accattai na vigna

Questo post é stato letto 122130 volte!

di Giuseppina Sapone

Eu cu trenta carrini m’accattai na vigna,

mi l’accattai supra na muntagna;

cu si scippau lu grappu e cu la pigna,

povera vigna mia, cu si la mangia!

Stentai tantu pi fari nu castellu,

cridendu ch’era eu lu castellanu;

ma dopu fattu dissaru ch’è bellu,

li chiavi mi fujiru di li manu..

Restai com’a ‘n pitturi senza pinnedu,

comu nu cacciaturi senz’arma ‘n manu,

non pozzu fabbricari senza livedu,

mancu fari l’amuri di luntanu!

Eu cu nu suspireju chi jittai

a na finestra s’affacciaru dui;

una mi dissi “bellu ccà chi fai”?

L’attra mi dissi “Nchiana accantu a nui!”

Dicitimi aund’è lu tribunali

aundi si fannu li causi d’amuri,

ch’a sta figghiola l’hannu a cundannari,

ca jiu dicendu ca cchiù non mi voli..

Questo post é stato letto 122130 volte!